Qashaǵanda kún saıyn 60 myń barrel munaı óndirilýde - S.Myńbaev

ASTANA. 8 qazan. QazAqparat - Búgingi tańda Qashaǵan ken ornynda kúnine munaıdyń 60 myń barreli óndiriledi.

Bul týraly búgin «KAZENERGY» qaýymdastyǵynyń VIII Eýrazııalyq energetıkalyq forýmynda «QazMunaıGaz» ulttyq kompanııasynyń basqarma tóraǵasy Saýat Myńbaev málim etti.

«Qashaǵanda alǵashqy munaıdyń óndirile bastaǵanyn barlyǵy jaqsy biledi. Búginde ol jerde kúnine 60 myń barrel munaı óndirilýde», - dep atap kórsetti S.Myńbaev. Onyń aıtýynsha, 2025 jylǵa qaraı Qazaqstan munaı men kondensatty óndirý kólemin 108 mln. tonnaǵa jetkizýdi kózdeıdi. Ótken jyly bul kórsetkish 79 mln. tonnany quraǵan. «Árıne, onyń barlyǵy Teńizshevroıldy keńeıtý, Qarashyǵanaqtyń úshinshi kezeńi men Qashaǵannyń ekinshi kezeńin ıgerý sııaqty jobalarǵa baılanysty bolmaq. Jalpy, búginde «QazMunaıGaz» kompanııasy 44 munaı-gaz kenishterine ıelik etedi», - deıdi S.Myńbaev.