Qashaǵanda kommertsııalyq munaı óndirýdi jańǵyrtý 2016 jyldyń ekinshi jartysynda jandanady

ASTANA. QazAqparat - Qashaǵanda kommertsııalyq munaı óndirýdi jańǵyrtý 2016 jyldyń ekinshi jartysynda jandanady. Bul týraly búgin Aqordada Elbasy Nursultan Nazarbaevtyń tóraǵalyǵymen ótip jatqan QR Úkimetiniń keńeıtilgen quramdaǵy otyrysynda QR Ekonomıka mınıstri Vladımır Shkolnık aıtty.

«Aǵymdaǵy jyly TeńizShevroıl 26,7 mln. tonna munaı óndirýdi josparlap otyr. Sonymen qatar aǵymdaǵy jyly TShO-ny bolashaqta keńeıtý jobasy boıynsha sheshim qabyldanatyn bolady», - dedi mınıstr.

V.Shkolnıktiń atap ótýinshe, TShO-nyń keńeıtilgen nysandaryn iske qosý boljam boıynsha 2021 jylǵa mejelenip otyr. Bul atalǵan kompanııanyń aldaǵy ýaqytta munaı óndirý kólemin 38 mıllıon tonnaǵa jetkizýge múmkindik beredi. Al qurylys kezinde 20 myńǵa deıin jańa jumys orny qurylady.

«Ótken jyldyń jeltoqsanynda Qashaǵan jobasy boıynsha barlyq máselelerdi retteý jónindegi kelisimge qol qoıyldy. Qashaǵanda kommertsııalyq munaı óndirýdi jańǵyrtý 2016 jyldyń ekinshi jartysynda jandanady», - dedi ol.

Sonymen qatar ol ótken jyly Qarashyǵanaqta 11 mln. tonna suıyq kómirsýtek óndirilgenin aıtty.

«Bul kólem saqtalady. 18 mlrd. tekshe metr gaz óndirildi. Sizdiń tapsyrmańyzǵa sáıkes ken oryndaryn odan ary daytýdyń tujyrymdamasy ázirlenýde. Negizgi maqsaty - paıdalanýdyń tehnıkalyq rejimin ońtaılandyrý jáne joba júzege asyrylatyn kezeńde respýblıka paıdasyna kiristiń joǵary deńgeıin saqtaý», - dedi mınıstr QR Prezıdentine qarata.