«Qashaǵan» jobasynyń ózin aqtaýy munaıdyń álemdik baǵasynyń ózgeristerine tikeleı baılanysty - U. Qarabalın
Eske salaıyq, forým aıasyndaǵy munaı-gaz konferentsııasy «Eýrazııa óńirindegi energııa qaýipsizdigi: jańa yntymaqtastyq mehanızmi» taqyrybynda ótken bolatyn.
Mınıstr orynbasary Qashaǵan jobasynyń quny qanshaǵa baratynyn bilý úshin eń aldymen ondaǵy munaıdy óndirý kerek ekenin eske saldy. «Negizinen baǵalaýlar ol ýaqyttarda jaǵdaı qalaı bolatynyna jáne ınvestıtsııanyń qaıtarymdylyǵyna baılanysty bolatyny sózsiz. «Qashaǵan» sekildi qyryq jyldyq kelisimsharttyq kezeńge jasalatyn álemdegi eń iri jobalardy tolyq ıgerý úlken jetistik bolýy múmkin. Shyndyǵynda, bundaı jobalardy ıgerý shıkizatqa baǵanyń turaqty kezeńinde eshýaqytta bolmaǵan», -dedi vıtse-mınıstr.
Onyń aıtýynsha, jobany ıgerýge ketetin 40 jyl ishinde shıkizat quny birese joǵarylap, birese quldyraıdy. «Sondyqtan da, «Qashaǵandy» damytý qajet pe degenge birden «ol qazir de damyp jatyr» dep aıta alamyn. Degenmen, basqa bir másele ınvestorlar ózderiniń salymyn qalaı, qanshalyqty tez qaıtaryp alý múmkin? Bul rette aıtarym jobanyń aqtalýy bul shıkizatqa baǵanyń quldyraýy men kóterilýi sekildi qubylýlarǵa tikeleı baılanysty» - dedi vıtse-mınıstr.