Qashaǵan jobasynda jáne basqa da munaı-gaz kenishterin ıgerýde apattardy boldyrmaý sharalary kózdelgen - S.Myńbaev
ALMATY. Maýsymnyń 3-i. QazAqparat /Rasýl Bahamov/ - QR Úkimeti tarapynan Qashaǵan jobasynda jáne basqa da munaı-gaz kenishterin ıgerýde apattardy boldyrmaý sharalary kózdelgen, dep málim etti IV qazaqstandyq ınvestıtsııalyq sammıte QR munaı jáne gaz mınıstri Saýat Myńbaev.
Meksıka shyǵanaǵynda munaı-gaz kenishterin ıgerýde munaıdyń teńizge aǵyp ketýine baılanysty ekologııalyq talaptardy saqtaý jaıyna túsindirme jasaı otyryp, S.Myńbaev Qazaqstan ókimet oryndary men Qashaǵanda jumys jasaıtyn konsortsıýmnyń mindeti mundaı eshqandaı apattarǵa jol bermeý ekendigin atap ótti.
Qashaǵanda munaı óndirý men Meksıka shyǵanaǵyndaǵy jumys jaǵdaılarynyń ózgeshelikteri bar. Qashaǵanda munaı jasandy araldarda óndirilýde, sonymen qatar Kaspıı jabyq ekologııalyq júıe, óndiriletin munaıdyń quramynda kúkirt kóp.
«Munaıdyń kez kelgen tógilýi jaǵdaıy ekologııaǵa zııan. Zańdyq jaǵynan alǵanda, Qashaǵandaǵy jumystar burynǵy jasalǵan kelisimderge sáıkes júrgizilýde. Bul qujattarǵa ózgertýler engizilgen joq. Sonymen qatar biz (Munaı jáne gaz mınıstrligi - Avt.) jáne kontsortsıým Meksıka shyǵanaǵyndaǵy oqıǵalardy eskere otyryp, ekologııalyq máseleler tehnıkalyq deńgeıde kórinis tabýy tıis dep sanaımyz», - dedi S.Myńbaev.
