Qashaǵan jobasy da arnaıy eksporttyq júıeni ıelenýi qajet - Q. Qabyldın
ASTANA. 11 naýryz. QazAqparat - Qashaǵan jobasy da arnaıy eksporttyq júıeni ıelenýi qajet. Bul týraly búgin Astanada ótken brıfıng barysynda «QazTransoıl» AQ Basqarma tóraǵasy Qaıyrgeldi Qabyldın málim etti.
Basqarma tóraǵasynyń aıtýynsha, Qashaǵan jobasynan keleshekte kúnine 1 mln.-1 mln. 200 myń tonna munaı óndirý josparlanady. «Árıne, osyǵan oraı Qashaǵanǵa arnaıy eksporttyq júıe kerek. Eger Kaspıı qubyr jelisi konsortsıýmy kezinde Qarashyǵanaq pen Teńiz ken oryndaryna beıimdelgen, ıaǵnı osy jobalarmen úndesken bolsa, bizdiń oıymyzsha Qashaǵan da arnaıy eksporttyq júıeni ıelenýi kerek», - dedi Q. Qabyldın.
Onyń aıtýynsha, Qazaqstan-Kaspıı transporttyq júıesi bundaı eksporttyq baǵytqa negizdelýge múmkindigi bar. «Degenmen, búgingi kúni atalǵan joba boıynsha belsendi túrde eksportyq júıeler daıarlaý júzege asyp jatqan joq. Óıtkeni, Qashaǵan jobasynyń aıasynda kelesi kezektegi jobalar áli sanktsııalanbaǵan. Jalpy, mundaı jobalarǵa «QazTransOıl» kompanııasy qatysýǵa múddeli», - dedi Q. Qabyldın.
