Qashaǵan jobasy boıynsha munaı óndirý belgilengen merzimde bastalady
/em>Qazannyń 5-i. QazAqparat /Rýslan Ǵabbasov/ - Qashaǵan jobasy boıynsha munaı óndirý belgilengen merzim boıynsha bastalady. Bul týraly búgin Astanada ótip jatqan «KAZENERGY» besinshi eýrazııalyq forýmy barysyndaǵy baspasóz máslıhatynda Munaı jáne gaz mınıstri Saýat Myńbaev málim etti.
«Qashaǵan jobasyna toqtalatyn bolsaq, muny aýqymdy joba retinde baǵalaýǵa bolady. Bul joba turǵysyndaǵy máseleler kontseptýaldy emes, kerisinshe basqarý mazmunyna sáıkes keledi. Alaıda biz munaıdy óndirý boıynsha budan buryn málimdelgen merzim ıaǵnı, tájirıbelik-óndiristik kezeń aıasynda oryndalady dep paıymdaımyz», dedi mınıstr.
S. Myńbaevtyń aıtýynsha, munyń ekinshi fazasy boıynsha keıbir máseleler týyndap otyr. Sonymen qatar «KAZENERGY» qaýymdastyǵynyń tóraǵasy Tımýr Qulybaevtyń sózine qaraǵanda, Qashaǵanda jabdyqtardy ornatý boıynsha barlyq sharalar 2012 jyldyń sońyna qaraı aıaqtalady. Al 2013 jyly munaı óndirýdiń barlyq múmkindikteri iske asyrylady.
