Qashaǵan nysandary kıbershabýyldan zardap shekken joq
«NCOC vırýsqa qarsy júıesi jańartyldy. Ol iske qosylǵanymen, shabýyldyń aldyn ala alǵan joq. Bul jahandyq vırýs jáne bizde onyń NCOC-ke qarsy baǵyttalǵandyǵyna dálelimiz joq. Biz vırýstyń bizdiń júıemizge engendigi arqyly oǵan qarsy ádisterdi anyqtaý úshin jáne bolashaqtaǵy vırýstardan qorǵanysymyzdy jaqsartý maqsatynda Microsoft-pen jumys isteımiz. Aqparattyq júıeler boıynsha mamandarymyzdyń jedel áreketteri vırýstyń taralýyn toqtatýǵa kómektesti. Biz óz seriktesterimizben aqparattyq qaýipsizdik júıesin jaqsartý maqsatyndaǵy birneshe aılarǵa sozylatyn birlesken jumystarymyzdy bastap kettik jáne bul is ári qaraı jalǵasa beredi», dep habarlady kompanııanyń baspasóz qyzmeti.
NCOC komponııasynyń kompıýterleri men 10-20% serverlerine kıbershabýyl jasalǵandyǵyn esterińizge salamyz. Serverlerdiń qordaǵy kóshirmeleri bar, sol sebepti shabýyl zalaly asa mańyzdy bola qoıǵan joq. Shabýyl Qashaǵan nysandaryndaǵy óndiris nemese tehnologııalyq basqarý júıesine de áser etken joq.
