Qashaǵan munaıynyń josparly baǵasy barreline 90 dollar bolady - sarapshy
ASTANA. 10 sáýir. QazAqparat - Qashaǵan munaıynyń josparly baǵasy barreline 90 dollar bolady. Bul týraly búgin Astanada "Sıtıbank" kompanııasynyń uıymdastyrýymen ótken dóńgelek ústel barysynda Citi-diń Nıý-Iorktegi ekonomısi Erık Lı málim etti.
Onyń sózine qaraǵanda, atalǵan josparly baǵanyń deńgeıi naryq jaǵdaıyna, eldegi jáne aımaqtaǵy saıası jáne ekonomıkalyq ahýalǵa baılanysty ózgerýi yqtımal. Sonymen qatar sarapshynyń atap ótkenindeı, álemdik munaı baǵasynyń ósýi ázirshe oryn almaıdy.
Citi - 200 mıllıonǵa jýyq adamǵa qyzmet kórsetetin jáne álemniń 160-tan astam elinde jumys jasaıtyn dúnıejúzilik jetekshi qarjy korporatsııasy. Citigroup 1994 jyly Almatyda óz ókildigin qurǵaly beri Qazaqstanda qyzmet jasap keledi. Dúnıejúzilik korporatsııa sarapshylary bizdiń elimizde álemniń jáne Qazaqstannyń makroekonomıkalyq kórsetkishteri týraly esepti jyl saıyn usynýdy dástúrge aınaldyrǵan.
