Qashaǵan munaıyn óndirý jumysy aldaǵy birneshe kúnniń ishinde bastalady - U.Qarabalın

ASTANA. 10 qyrkúıek. QazAqparat - Qashaǵan munaıyn óndirý jumysy aldaǵy birneshe kúnniń ishinde bastalady. Bul týraly Úkimettiń búgingi otyrysynan keıin jýrnalısterge suhbat bergen QR Munaı jáne gaz mınıstri Uzaqbaı Qarabalın málim etti.

«Bas kezinde Qashaǵan munaıyn óndirý jumysyn bastaý qyrkúıektiń 9-ynda josparlanǵan bolatyn. Sosyn ol keıinge qaldy. Ázirshe, onyń qaı ýaqytta bastalatyny belgisiz. Biz osy aldaǵy birneshe kúnniń ishinde bastalady dep kútip otyrmyz», - dep atap kórsetti U. Qarabalın. Aıta keteıik, Astanada ótken qazaq-qytaı iskerlik keńesi kezinde «QazMunaıGaz» ulttyq kompanııasynyń prezıdenti S.Myńbaev ta Qashaǵan munaıyn óndirý jumysynyń 9 qyrkúıek kúni bastalatyny týraly málimdegen bolatyn. Ony sol jerde ornalasqan «Bolashaq» atty munaı-gaz zaýytynda óńdeý kózdelip otyr. Alaıda keshe atalǵan óndiriste gazdyń joǵary qysymy tirkelip, sonyń saldarynan apattyq dabyl soǵyldy. Sodan zaýyttyń barlyq jumysshylary qaýipsiz jerge shyǵaryldy. Tótenshe jaǵdaı boıynsha tıisti tekseris júrgizilip jatyr.