Qashaǵan munaı kenishiniń uńǵymalary jóndeý jumystarynan keıin qaıta iske qosyldy
dep habarlady MGM baspasóz qyzmetinen.
Esterińizge salsaq, 24 qyrkúıekte «D» aralynan «Bolashaq» munaı óńdeý zaýytyna aparatyn gaz qubyryn josparly tekserý kezinde gazdyń kemýi oryn alǵan bolatyn.
Gazdyń kemýi zaýyttan 2,5 shaqyrymdaǵy sanıtarlyq-qorǵaý aımaǵynda boldy.
Bul týraly Atyraý oblysynyń tótenshe jaǵdaılar jónindegi departamenti der kezinde habardar etilgen bolatyn.
Qaýipsizdik tehnıkasynyń talaptaryna saı tekserý júrgizildi.
Aýada kúkirtti sýtektiń shamadan tys bolǵandyǵy anyqtalmady. Adamdar arasynda zardap shekkender bolǵan joq.
Jer ústindegi jáne teńizdegi barlyq óndiristik qurylystar kútý tártibine kóshirilip, munaı óndirý ýaqytsha toqtatyldy.
Sanıtarlyq-qorǵaý aımaqtyń ishindegi jáne syrtyndaǵy jaǵdaı qatań baqylaýǵa alyndy.
Bolǵan jaǵdaı jóninde Atyraý tótenshe jaǵdaılar jónindegi departamenti men Atyraý oblysynyń qorshaǵan ortany qorǵaý departamenti tekserý júrgizdi.
Qalyptasqan tájirıbe boıynsha gaz qubyrynyń bóligi oqshaýlanyp, qysym túsirilip, azotpen tazartý jumystary júrgizildi.
26 qyrkúıekte qubyrdy ashý úshin jer jumystary bastaldy.
27 qyrkúıekte qubyrdyń ýchaskesi ınspektsııalaýdan ótip, gazdyń kemý kózi anyqtaldy. 28 qyrkúıekte jóndeý jumystary bastaldy.
Qazirgi kezde atalǵan jóndeý júmystary aıaqtaldy. Barlyq jumystar respýblıkalyq jáne halyqaralyq qaýipsizdik tehnıkasynyń erejelerine sáıkes ótkizildi.
