Qashaǵan merdigeri 1,9 mlrd dollar bonýs tóledi
Onyń atap ótýinshe, qazirgi ýaqytta Qashaǵanda tájirıbelik-ónerkásiptik ıgerýdiń 1-shi kezeńi júrgizilýde. Ol táýligine 370 myń barrel nemese jylyna 13 mln tonna munaımen sıpattalady. Birinshi kezeń aıasynda paıdalaný-tehnıkalyq kesheni, teńizdegi 4 burǵylaý araly, qurlyqta «Bolashaq» zaýyty salyndy.
«Ónimdi bólý týraly kelisim qoldanyla bastaǵannan beri merdiger 1,9 mlrd dollar mólsherinde bonýs tóledi. 2017 jyly munaı barreli 50 dollar bolǵan kezde memleket bıýdjetine túsim 135 mln dollardy quraıtyn bolady», - dedi vıtse-mınıstr.
Vedomstvo aqparatyna qaraǵanda, kelesi jyl Qashaǵannyń birinshi tolyq operatsııalyq jyly sanalady jáne elimiz óndirilgen resýrstardan óz úlesin alýyn jalǵastyrady. 1 mln 670 myń tonna munaı KTK qubyrlary arqyly Novorossısk portyna deıin Qara teńiz jaǵalaýyna jetkiziledi. Al QazTransGaz-dyń gaz qubyrlary jelisine eksporttaý jáne ishki naryq úshin 101 mlrd tekshe metr gaz jiberiledi. Temir jol arqyly syrtqy naryqqa jáne ishki óndiris úshin 230 myń tonna kúkirt tasymaldanady.
