Qashaǵan men Qarashyǵanaqtaǵy jergilikti qamtý deńgeıin arttyrý qajet - IJTM
ASTANA. QazAqparat - Indýstrııa jáne jańa tehnologııalar mınıstrligi Qashaǵan men Qarashyǵanaq ken oryndary boıynsha jergilikti qamtý deńgeıin arttyrý týraly memorandým jasaýdy usynady.
Bul týraly búgin Májiliste Ekonomıkalyq reforma jáne óńirlik damý komıtetiniń keńeıtilgen otyrysynda málim boldy. Eske salaıyq, jıynda ulttyq kompanııalardyń jáne kvazımemlekettik sektordaǵy kásiporyndardyń satyp alý júıesinde otandyq taýar óndirýshilerdi qorǵaý máseleleri talqylanǵan bolatyn.
«Jergilikti qamtýdy damytý maqsatynda Ónimdi bólý týraly kelisim aıasynda birqatar sharalar qarastyrylýy kerek. Atap aıtqanda, buǵan uqsas sharalar «Teńizshevroıl» JShS-yń keleshektegi jergilikti qamtýdy keńeıtý týraly josparynda kórinis tapqan bolatyn. ıAǵnı, dál osyndaı josparly jumys baǵytynda munaıgaz salasyndaǵy iri jobalar (Nort Kaspıan Opereıtıng Kompanı - Qashaǵan men Qarashyǵanaq Petrolıým Opereıtıng B.V) arasyndaǵy yntymaqtastyq pen ózara túsinistik týraly memorandýmdy bekitý barysynda qamtamasyz etilýi kerek», - delingen Májiliste taratylǵan aqparatta.
«Mundaı memorandýmda jergilikti qamtý úlesin arttyrý jónindegi mindettemeler, qazaqstandyq merdigerler men jetkizýshilerdiń aldyńǵy qatarly tájirıbelerin usyný, qazaqstandyq kompanııalarmen birlesken kásiporyndar qurýdy yntalandyrý, sondaı-aq qazaqstandyq jumysshylardyń biliktiligin, jumyspen qamtymdylyǵyn arttyrý máseleleri qarastyrylýy shart», - delingen Indýstrııa jáne jańa tehnologııalar mınıstrliginiń baspasóz habarlamasynda.
Bul rette mınıstrlik Qazaqstan Úkimeti men «Teńizshevroıl» kompanııasy arasynda 2013 jyly ózara túsinistik pen yntymaqtastyq týraly memorandým jasalǵanyn, onda jergilikti qamtý deńgeıin 32 paıyzdan 44 paıyzǵa arttyrý jónindegi mindettemeler qamtylǵanyn atap ótedi.
