«Qashaǵan quryqtaǵan Qazaqstan» kitaby Astana Sammıtine jasalǵan tartý - Májilis Tóraǵasy
ANA. 19 qarasha. QazAqparat - «Elordada ótetin Eýropadaǵy qaýipsizdik jáne yntymaqtastyq uıymynyń Astana Sammıti úlken saıası mańyzy bar shara.
Oǵan kókiregi oıaý árbir azamat óziniń úlesin qosýdy armandaıdy. Al kórnekti pýblıtsıst, jýrnalıst Saýytbek Abdrahmanovtyń «Qashaǵan quryqtaǵan Qazaqstan» kitaby osy Sammıtke jasalǵan shashýy dep bilemin», dedi búgin Májilis Tóraǵasy Oral Muhamedjanov. Bul týraly ol Prezıdenttik mádenıet ortalyǵynda «Egemen Qazaqstan» respýblıkalyq gazeti» aktsıonerlik qoǵamynyń prezıdenti Saýytbek Abdrahmanovtyń jańa shyqqan týyndysynyń tanystyrylymynda aıtty.
«Kez kelgen kitaptyń sapasy onyń kólemine, baspa tabaǵyna baılanysty emes. Onyń sapasy mazmuny men avtordyń sheberligine, oıynyń tereńdigine baılanysty. Al S. Abdrahmanovtyń shyǵarmalarynyń kez kelgeni oqyrman júregine jol taba alady. Óıtkeni Sákeń qalamy qarymdy, taqyryby aýqymdy, oıy ozyq, sózi ótkir, tili tartymdy jazýshylardyń qataryna jatady. Búgingi tusaýy kesilip otyrǵan shyǵarma da osyndaı týyndylardyń biri bolady degen oıdamyn. Men Saýytbekti adal azamat retinde, elimizdiń kórnekti qaıratkeri retinde tanımyn», - dedi Májilis Tóraǵasy.
