Qashaǵan ken ornynda burǵylaý jumystary aıaqtaldy

ATYRAÝ. QazAqparat - Atyraý oblysynda Qashaǵan teńiz ken ornynda burǵylaý jumystary aıaqtaldy, dep habarlaıdy QazAqparat tilshisi. 

«Qashaǵan ken ornynda jańa uńǵymalardy iske qosyp, qosymsha burǵylaý ortalyqtaryn iske qosý jáne jóndeý jumystaryn júrgizdik. Jobanyń osy kezeńinde barlyǵy 40 uńǵyma burǵylandy. Al jasandy aralynda olardyń sany - 8, D aralynda - 12, E, R jáne S shaǵyn araldarynda jalpy 20 uńǵyma burǵylandy. Qazirgi kezde burǵylaý jumystary aıaqtaldy», - deıdi North Caspian Operating Company N.V. (NCOC) konsortsıýmynyń basqarýshy dırektory Brýno Jarden.

Eske sala keteıik, Qashaǵan ken ornynan munaı óndirý 2016 jyldyń qyrkúıeginde bastaldy. Osyǵan deıin 11,5 mıllıon tonna munaı alynǵan. Kompanııa bıylǵy kórsetkishti 8 mıllıonnan asyrýdy josparlap otyr.