«Qashaǵan» ken ornynan eksportqa 5 mln tonna kúkirt jiberildi

ATYRAÝ. QazAqparat – Kaspıı teńiziniń qazaqstandyq sektoryndaǵy «Qashaǵan» kenornynan eksportqa 5 mln tonna kúkirt jiberildi, dep habarlaıdy QazAqparat.

Álemde teńdesi joq ken ornynyń biri – «Qashaǵan». Atalǵan ken orny Atyraý qalasynan

80 shaqyrym qashyqtaǵy Kaspıı teńiziniń soltústik bóliginde ornalasqan. Ken orny 2000

jylǵy 30 maýsymda «Vostok-1» uńǵymasymen ashyldy.

Bul sońǵy 40 jyl ishinde ashylǵan álemdegi eń iri ken oryndarynyń birinen sanalady.

Ken ornyn ónerkásiptik óndirý úshin jasandy araldar turǵyzylǵan. Al, munaı óndirý

2013 jylǵy 11 qyrkúıekte bastaldy.

Ken ornyn Soltústik Kaspıı jobasynyń operatory – NCOC kompanııasy ıgerip jatyr.

«Soltústik Kaspıı jobasy úshin kúkirtti gazdy óńdeý, sonymen qatar, kúkirt óndirý

protsesin qaýipsiz jáne tıimdi túrde basqarýdyń mańyzy zor. Ken ornynda kún saıyn 4

myń tonnaǵa jýyq kúkirt óndiriledi. Ken ornyn ıgerý bastalǵaly beri eksportqa 5 mln

tonna kúkirt eksportqa jóneltildi. «Qashaǵan» ken ornynyń kúkirti temirjol jelisi

arqyly halyqaralyq termınaldarǵa tasymaldanady», -dep habarlady NCOC

kompanııasynyń baspasóz qyzmeti.

Eske sala ketelik, budan buryn byltyr Atyraý oblysynda 8,5 trln teńgeniń ónerkásiptik

ónimi óndirilgenin habarlaǵan bolatynbyz.

Illıýstratsııalyq foto: amootiranian.com