Qashaǵan ken ornynda jóndeý jumysy 3 qazanda bastalady
ATYRAÝ. KAZINFORM — Atyraý oblysynda ornalasqan Qashaǵan ken ornyndaǵy jóndeý jumysy 3 qazanda bastalady.
Energetıka mınıstrligi baspasóz qyzmetiniń aqparatyna qaraǵanda, Qashaǵan munaı kenishiniń aktsıonerlerinen jóndeý jumystaryn keıinge qaldyrýdy surady degen aqparat shyndyqqa janaspaıdy.
«Jóndeý jumysyn keıinge qaldyrý ishki talqylaý kezinde qarastyrylǵan nusqalardyń biri ǵana boldy. Biraq ol qabyldanbady. Mınıstrlik Qashǵan ken ornyndaǵy jóndeý jumystary 3 qazannan bastap kestege sáıkes júrgiziletinin rastaıdy. Bul mınıstrliktiń analıtıkalyq agenttiktermen telefon arqyly sóılesýinde, sondaı-aq ótken aptada OPEK Bas hatshysynyń Astanaǵa sapary kezinde aıtylǵan. Qazaqstan OPEK+ sharalaryna tolyǵymen beıildi bolyp qala beredi. OPEK hatshylyǵyna usynylǵan óndiristi erikti túrde qysqartý jáne ótemaqy josparyn tolyǵymen oryndaý úshin barlyq sharalar qabyldanady», -dep habarlady mınıstrliktiń baspasóz qyzmeti.
Eske sala ketelik, buǵan deıin mınıstrlik Qashaǵanda jóndeý jumysyn keıinge qaldyrý jóninde naqty sheshim qabyldanbaǵanyn málimdegen bolatyn.
Qashaǵan suıytylǵan gazyn jetkizý týraly shartqa qol qoıylǵany habarlandy.
