Qashaǵan 2,4 mln. tonna kólemindegi kommertsııalyq óndiriske shyǵa almaýy múmkin - E. Dosaev
ASTANA. QazAqparat - Qazaqstan Úkimeti Qashaǵan bıyl 2,4 mln. tonna kólemindegi kommertsııalyq óndiriske shyǵa almaýy múmkin dep boljap otyr.
Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Ekonomıka jáne bıýdjettik josparlaý mınıstri Erbolat Dosaev málim etti.
«Ózderińiz bilesizder, 2014 jyly Qashaǵan ken ornynda 2,4 mln. tonna kólemindegi kommertsııalyq óndiriske shyǵa almaý táýekeli saqtalyp otyr. Osyǵan baılanysty basqa ken oryndarynda 1,5 mln. tonnadan kem emes kólemde munaıdy óndirýdi jáne eksporttaýdy arttyrý boıynsha iri ken ornyn paıdalanýshylarmen qosymsha jumystar men kelissózder júrgiziletin bolady», - dep atap ótti mınıstr.
