KASE valıýtalyq retteýga qatysty zańnama jóninde túsinikteme berdi
«Biz qor bırjasynyń valıýta naryǵynda tek bankter ǵana emes, basqa da tulǵalar oınaǵanyn qalaımyz. Meniń bilýimshe, muny jasaýǵa barlyq jaǵdaı bar. Jańa zańnama boıynsha brokerlerge, olardyń klıentterine naryqqa kirýge ruqsat beriledi. Bul ótimdilikti arttyrady, valıýtalyq táýekelderdi azaıtady. Máselen Reseıde bul tájirıbe burynnan bar. Onda qor naryǵynda tipti robottar da jumys isteıdi», - dedi A.Tsalıýk.
Onyń aıtýynsha, qazirgi tańda brokerler men Ulttyq bank arasynda osy máselege baılanysty ekijaqty jumys júrip jatyr. Brokerlerdiń qansha klıentpen naryqqa shyǵatyndyǵy talqylanýda.
«Qundy qaǵazdarmen jumys jeńildetiledi. Eń bastysy qatysýshylar valıýtany evrooblıgatsııalar naryǵynda aýystyra alatyndaı jaǵdaı jasaý kerek. Bizdiń bırjamyz sııaqty bırjalar sanaýly-aq. Valıýtany aıyrbastaý úshin bırjanyń basqa buryshyna baryp jatýdyń qajeti joq. Bári bir jerde», - dedi A.Tsalıýk.
Aıta ketý kerek, keshe Ulttyq bank eldegi sheteldik valıýta qozǵalysyn qatyń baqylaýǵa alý kerektigin aıtqan bolatyn.