KASE tóraǵasynyń orynbasary Andreı Tsalıýk merziminen buryn qyzmetinen ketti
2024 jyldyń 13 qańtarynan bastap Qazaqstan qor bırjasy (KASE) basqarma tóraǵasynyń orynbasary Andreı Tsalıýktiń ókilettigi zeınetkerlikke shyǵýyna baılanysty merziminen buryn toqtatylady, dep habarlaıdy Kazinform agenttiginiń tilshisi.
KASE baspasóz qyzmetiniń habarlaýynsha, mundaı sheshimdi Qazaqstan qor bırjasynyń dırektorlar keńesi qabyldady.
«Tsalıýk Andreı ıÝrevıch KASE vıtse-prezıdenti bolyp 2007 jyldyń 15 qazanynda saılanyp, KASE basqarmasynyń quramyna tanystyryldy. Ol ár jyldary aqparattyq jáne analıtıkalyq bloktarǵa, qadaǵalaý qyzmetine jáne táýekelderdi basqarýǵa jetekshilik etti. Andreı Tsalıýk KASE-degi qyzmetin KASE aqparattyq-taldaý blogynyń basshysy retinde bastaǵan. Onyń basshylyǵymen bul baǵyt qalyptasý jáne damý kezeńderinen ótti. KASE aqparattyq resýrstary men ónimderi qazaqstandyq jáne sheteldik ınvestorlar úshin qarjy quraldary men bırjalyq naryqtar týraly aqparattyń negizgi kózine aınaldy», - delingen resmı saıtta jarııalanǵan habarlamada.
Keıinirek onyń jetekshiligimen «qylmystyq jolmen alynǵan kiristerdi jylystatýǵa jáne terrorızmdi qarjylandyrýǵa qarsy is-qımyl» jáne manıpýlıatsııa salasyndaǵy bırjalyq qarjylyq monıtorıng baǵyty qalyptasty. Ol qor naryǵyndaǵy jetekshi sarapshylardyń biri. Qor naryǵyn damytýǵa baǵyttalǵan eleýli qyzmeti úshin Qazaqstan Respýblıkasynyń Qurmet gramotasymen marapattaldy.
Dırektorlar keńesi Andreı Tsalıýkke qor naryǵynyń damýyna jáne KASE qyzmetine qosqan eleýli úlesi úshin alǵys bildirdi.
