KASE: Teńge tórtinshi kún qatarynan nyǵaıyp keledi
ASTANA. QazAqparat - Qazaqstan qor bırjasynda (KASE) dúısenbi kúngi saýda-sattyqtyń tańerteńgilik sessııasynyń qorytyndysy boıynsha teńgeniń T+1 esebimen (USDKZT_TOM, kelisim aıaqtalǵannan keıin kelesi kúngi esebimen) AQSh dollaryna shaqqandaǵy ortasha baǵamy 371,9 teńgeni qurady, dep habarlaıdy QazAqparat KASE-ge silteme jasap.
Juma kúngi saýda-sattyqpen salystyrǵanda, sheteldik valıýta baǵamy 1,56 teńgege tómendegen. Sessııa barysynda eń tómengi kýrs 1 dollarǵa - 371,5 teńge, al eń joǵarysy - 373 teńge deńgeıinde bolǵan. Saýda kólemi 47,45 mln dollarǵa jetti.
T+1 esebimen juma kúni dollardyń ortasha baǵamy tańǵy sessııa qorytyndysy boıynsha 1 dollarǵa 373,46 teńge, kúndizgi sessııada 373,86 teńge, eki sessııanyń qorytyndylary boıynsha 373,65 teńge bolyp, saýdanyń jalpy kólemi 69,8 mln dollardy quraǵan.
Eske sala keteıik, sársenbi kúni Qazaqstan qor bırjasynda (KASE) AQSh dollarynyń ortasha baǵamy 380,97 teńgeden 377,72 teńgege deıin - 3,25 teńgege tómendegen bolatyn. Al beısenbi kúni taǵy da 2,28 teńgege túsip, 375,44 teńgeni qurady, juma kúni taǵy da 1,98 teńgege tómendep, 373,46 teńgeni qurady.
