KASE tańerteńgilik sessııasynyń qorytyndysy: dollar baǵamy -148,04 teńgeni, eýro baǵamy - 214,98 teńgeni qurady
ALMATY. Qańtardyń 15-i. QazAqparat - Qazaqstan qor bırjasynda T+ 0 (USDKZT_TOD) teńge esebimen AQSh dollary boıynsha, T+0 (EURKZT_TOD) teńge esebimen eýro jáne AQSh dollary (EURUSD_TOD) boıynsha tańerteńgilik saýda sessııasy aıaqtaldy.
Atalǵan sanattar úshin búgingi sessııa negizgi boldy. Búgingi saýdaǵa qor bırjasynyń «V» sanatyndaǵy 17 múshesi qatysty, dep habarlaıdy QazAqparat bırjaǵa silteme jasap.
AQSh dollarynyń búgingi ortasha baǵamy T+0 esebimen 148,04 teńgeni, al saýda kólemi 252 180 myń dollardy qurady. Buǵan deıingi tańerteńgilik saýdanyń qorytyndysymen salystyrǵanda, dollar baǵamy 0,02 teńgege arzandap, sessııa kólemi 157 510 myń dollarǵa ósti.
T+0 teńge esebimen eýro boıynsha mámile jasalǵan joq. Sessııa jabylar kezdegi usynys eýro úshin 214,98 teńgeni qurady, biraq suranys bolǵan joq.
T+0 dollar esebimen eýro boıynsha mámile jasalǵan joq.
