KASE: tańerteńgilik sessııasynyń qorytyndysy boıynsha dollar baǵamy -146, 96 teńgeni, eýro baǵamy 197,95 teńgeni qurady
ALMATY. 19 qańtar. QazAqparat - Qazaqstan qor bırjasynda T+ 0 (USDKZT_TOD) teńge esebimen AQSh dollary boıynsha, T+0 (EURKZT_TOD) teńge esebimen jáne (EURUSD_TOD) AQSh dollary esebimen eýro boıynsha tańerteńgilik saýda sessııasy aıaqtaldy.
Atalǵan sanattar úshin búgingi sessııa negizgi boldy. Saýdaǵa qor bırjasynyń «valıýtalyq naryq múshesi» sanatyndaǵy 21 múshesi qatysty, dep habarlaıdy QazAqparat bırjaǵa silteme jasap.
AQSh dollarynyń búgingi ortasha baǵamy T+0 esebimen 146,96 teńgeni, al saýda kólemi 174 400 myń dollardy qurady. Buǵan deıingi tańerteńgilik saýdanyń qorytyndysymen salystyrǵanda dollar baǵamy 0,04 teńgege arzandap, sessııa kólemi 45 850 myń dollarǵa ósti.
T+0 teńge esebimen eýronyń ortasha baǵamy 197, 95 teńgeni, al sessııa kólemi 500 myń eýrony qurady.
Al T+0 dollar esebimen eýro boıynsha mámile jasalǵan joq.
