KASE: tańerteńgilik sessııasynyń qorytyndysy boıynsha dollar baǵamy -146, 78 teńgeni qurady
ALMATY. Mamyrdyń 12-si. QazAqparat - Qazaqstan qor bırjasynda T+ 0 (USDKZT_TOD) teńge esebimen AQSh dollary boıynsha, T+0 (EURKZT_TOD) teńge esebimen jáne (EURUSD_TOD) AQSh dollary esebimen eýro boıynsha tańerteńgilik saýda sessııasy aıaqtaldy.
Atalǵan sanattar úshin búgingi sessııa negizgi boldy. Saýdaǵa qor bırjasynyń «valıýtalyq naryq múshesi» sanatyndaǵy 21 múshesi qatysty, dep habarlaıdy QazAqparat bırjaǵa silteme jasap.
AQSh dollarynyń búgingi ortasha baǵamy T+0 esebimen 146,78 teńgeni, al saýda kólemi 73 600 myń dollardy qurady. Buǵan deıingi tańerteńgilik saýdanyń qorytyndysymen salystyrǵanda dollar baǵamy 0,17 teńgege qymbattap, sessııa kólemi 108 550 myń dollarǵa kemidi.
T+0 teńge esebimen eýro boıynsha mámile jasalǵan joq. Sessııa jabylar kezdegi baǵa belgilenimi bolǵan joq.
Al T+0 dollar esebimen eýronyń ortasha baǵamy 1,2644 AQSh dollaryn qurady, al saýdanyń kólemi - 30 myń eýrony shamalady.
