KASE: tańerteńgilik sessııasynyń qorytyndysy boıynsha dollar 145,47 teńgeni, eýro 213,00 teńgeni qurady
ALMATY. 7 maýsym. QazAqparat - Qazaqstan qor bırjasynda T+ 0 (USDKZT_TOD) teńge esebimen AQSh dollary boıynsha, T+0 (EURKZT_TOD) teńge esebimen jáne (EURUSD_TOD) AQSh dollary esebimen eýro boıynsha tańerteńgilik saýda sessııasy aıaqtaldy.
Atalǵan sanattar úshin búgingi sessııa negizgi boldy. Saýdaǵa qor bırjasynyń «valıýtalyq naryq múshesi» sanatyndaǵy 17 múshesi qatysty, dep habarlaıdy QazAqparat bırjaǵa silteme jasap.
AQSh dollarynyń búgingi ortasha baǵamy T+0 esebimen 145,47 teńgeni, al saýda kólemi 66 200 myń dollardy qurady. Buǵan deıingi tańerteńgilik saýdanyń qorytyndysymen salystyrǵanda dollar baǵamy 0,08 teńgege arzandap, sessııa kólemi 38 850 myń dollarǵa kemidi.
Al T+0 teńge esebimen eýronyń ortasha baǵamy 213,00 teńgeni, saýda kólemi 200 myń eýrony qurady.
T+0 dollar esebimen eýro boıynsha mámileler jasalǵan joq. Sessııa jabylar kezde baǵa belgilenimi bolǵan joq.
