KASE tańerteńgilik sessııasynyń qorytyndysy: AQSh dollary - 150,63 teńgeni qurady
ALMATY. 5 aqpan. QazAqparat - Qazaqstan qor bırjasynda (KASE) AQSh dollary boıynsha T+0 esebimen teńgemen (USDKZT_TOD), eýro boıynsha T+0 esebimen teńgemen
(EURKZT_ TOD), eýro boıynsha T+0 esebimen AQSh dollarymen (EURUSD_ TOD) tańerteńgilik saýda sessııasy ótti. Atalǵan ınstrýmentter úshin bul sessııa negizgi bolyp tabylady. Búgin saýdaǵa spot-naryqta KASE-niń «Valıýtalyq naryq múshesi» sanatyndaǵy 24 múshesi qatysty, dep habarlaıdy bırjanyń baspasóz qyzmetinen.
AQSh dollarynyń spot-naryǵynda sońǵy mámile 1 dollar úshin 150,63 teńge (-0,14 teńge), saýda kólemi - 115 750 myń AQSh dollary (+53 050 myń AQSh dollary) boldy.
Eýronyń T+0 esebimen teńgemen mámileler jasalǵan joq, sessııanyń jabylýynda KASE saýda júıesinde baǵa belgilenimi bolǵan joq.
Eýro boıynsha T+0 esebimen AQSh dollarymen mámileler jasalǵan joq, sessııanyń jabylýynda KASE saýda júıesinde baǵa belgilenimi bolǵan joq.
Osy habarlamadaǵy barlyq trendter ótken tańerteńgi sessııaǵa qatysty kórsetilgen. Eger ótken tańerteńgi sessııada tıisti ınstrýment boıynsha mámile jasalmasa nemese saýda júrgizilmese, trend kórsetilmeıdi.
