KASE tańerteńgilik sessııasynyń qorytyndysy: AQSh dollary - 149,92 teńgeni, eýro - usynys 183,00 teńgeni qurady
ALMATY. 24 shilde. QazAqparat - Qazaqstan qor bırjasynda (KASE) AQSh dollary boıynsha T+0 esebimen teńgemen (USDKZT_ TOD), eýro boıynsha T+0 esebimen teńgemen, (EURKZT_ TOD), eýro boıynsha T+0 esebimen AQSh dollarymen (EURUSD_ TOD) tańerteńgilik saýda sessııasy ótti.
Atalǵan ınstrýmentter úshin bul sessııa negizgi bolyp tabylady. Búgin saýdaǵa spot-naryqta KASE-niń «Valıýtalyq naryq múshesi» sanatyndaǵy 18 múshesi qatysty, dep habarlaıdy bırjanyń baspasóz qyzmeti.
AQSh dollarynyń spot-naryǵynda sońǵy mámile 1 dollar úshin 149,92 teńge (+0,18 teńge), saýda kólemi 52 750 myń AQSh dollar (-60 550 myń AQSh dollar) boldy.
Eýro boıynsha T+0 esebimen teńgemen mámileler jasalǵan joq, sessııanyń jabylýynda 1 eýro úshin usynys - 183,00 teńgeni qurady.
Eýro boıynsha T+0 esebimen AQSh dollarymen mámileler jasalǵan joq, sessııanyń jabylýynda KASE saýda júıesinde baǵa belgilenimi bolǵan joq.
Osy habarlamadaǵy barlyq trendter ótken tańerteńgi sessııaǵa qatysty kórsetilgen. Eger ótken tańerteńgi sessııada tıisti ınstrýment boıynsha mámile jasalmasa nemese saýda júrgizilmese, trend kórsetilmeıdi.
