KASE tańerteńgilik sessııasynyń qorytyndysy: AQSh dollary 148, 54 teńgeni qurady
ALMATY. 9 qańtar. QazAqparat - Qazaqstan qor bırjasynda (KASE) AQSh dollary boıynsha T+0 esebimen teńgemen (USDKZT_ TOD), eýro boıynsha T+0 esebimen teńgemen,
(EURKZT_ TOD) jáne eýro boıynsha T+0 esebimen AQSh dollarymen (EURUSD_ TOD) tańerteńgilik saýda sessııasy ótti. Atalǵan ınstrýmentter úshin bul sessııa negizgi bolyp tabylady. Dúısenbi kúni saýdaǵa spot-naryqta KASE-niń «Valıýtalyq naryq múshesi» sanatyndaǵy 22 múshesi qatysty, dep habarlaıdy bırjanyń baspasóz qyzmeti.
AQSh dollarynyń spot-naryǵynda sońǵy mámile 1 dollar úshin 148,54 teńge (+0,25 teńge), saýda kólemi 158 000 myń AQSh dollary (+62 100 myń USD) boldy.
Eýro boıynsha T+0 esebimen teńgemen jáne AQSh dollarymen mámileler jasalǵan joq. Sessııanyń jabylýynda KASE saýda júıesinde baǵa belgilenimi bolǵan joq.
Osy habarlamadaǵy barlyq trendter ótken tańerteńgi sessııaǵa qatysty kórsetilgen. Eger ótken tańerteńgi sessııada tıisti ınstrýment boıynsha mámile jasalmasa nemese saýda júrgizilmese, trend kórsetilmeıdi.
