KASE tańerteńgilik sessııasynyń qorytyndysy: AQSh dollary - 148,29 teńgeni, eýro - 195,35 teńgeni qurady
ALMATY. 5 sáýir. QazAqparat - Qazaqstan qor bırjasynda (KASE) AQSh dollary boıynsha T+0 esebimen teńgemen (USDKZT_ TOD), eýro boıynsha T+0 esebimen teńgemen, (EURKZT_ TOD), eýro boıynsha T+0 esebimen AQSh dollarymen (EURUSD_ TOD) tańerteńgilik
saýda sessııasy ótti.
Atalǵan ınstrýmentter úshin bul sessııa negizgi bolyp tabylady. Búgin saýdaǵa spot-naryqta KASE-niń «Valıýtalyq naryq múshesi» sanatyndaǵy 21 múshesi qatysty, dep habarlaıdy bırjanyń baspasóz qyzmeti.
AQSh dollarynyń spot-naryǵynda sońǵy mámile 1 dollar úshin 148,29 teńge (+0,18 teńge), saýda kólemi - 137 100 myń AQSh dollary (+21 850 myń USD) boldy.
Eýro boıynsha T+0 esebimen teńgemen ortasha baǵa belgilenimi bir eýro úshin 195,35 teńgeniǵ saýda kólemi - 200 myń eýrony quraǵan.
Eýro boıynsha T+0 esebimen AQSh dollarymen mámileler jasalǵan joq, sessııanyń jabylýynda KASE saýda júıesinde baǵa belgilenimi bolǵan joq.
Osy habarlamadaǵy barlyq trendter ótken tańerteńgi sessııaǵa qatysty kórsetilgen. Eger ótken tańerteńgi sessııada tıisti ınstrýment boıynsha mámile jasalmasa nemese saýda júrgizilmese, trend kórsetilmeıdi.
QazAqparat
