KASE tańerteńgilik sessııasynyń qorytyndysy: AQSh dollary - 148,03 teńgeni, eýro - 189,00 teńgeni qurady
ALMATY. 17 mamyr. QazAqparat - Qazaqstan qor bırjasynda (KASE) AQSh dollary boıynsha T+0 esebimen teńgemen (USDKZT_ TOD),
eýro boıynsha T+0 esebimen teńgemen (EURKZT_ TOD), eýro boıynsha T+0 esebimen AQSh dollarymen (EURUSD_ TOD) tańerteńgilik saýda sessııasy ótti.
Atalǵan ınstrýmentter úshin bul sessııa negizgi bolyp tabylady. Beısenbi kúni saýdaǵa spot-naryqta KASE-niń «Valıýtalyq naryq múshesi» sanatyndaǵy 21 múshesi qatysty, dep habarlaıdy bırjanyń baspasóz qyzmetinen.
AQSh dollarynyń T+O esepterimen ortasha baǵamy 1 dollar úshin 148,03 teńgeni (+0,09 teńge), saýda kólemi - 50 200 myń AQSh dollaryn qurady.
Eýronyń T+0 esepterimen ortasha baǵamy bir eýro úshin 189,00 teńgeni, saýda kólemi 200 myń ekrony qurady.
Eýro boıynsha T+0 esebimen AQSh dollarymen mámileler jasalǵan joq, sessııanyń jabylýynda bir eýro úshin usynys 1,4000 dollardy qurady, suranym bolǵan joq.
Osy habarlamadaǵy barlyq trendter ótken tańerteńgi sessııaǵa qatysty kórsetilgen. Eger ótken tańerteńgi sessııada tıisti ınstrýment boıynsha mámile jasalmasa nemese saýda júrgizilmese, trend kórsetilmeıdi.
