KASE tańerteńgilik sessııasy: dollar - 146,73 teńgeni qurady
ALMATY. 7 aqpan. QazAqparat - Qazaqstan qor bırjasynda T+ 0 (USDKZT_TOD) teńge esebimen AQSh dollary boıynsha, T+0 (EURKZT_TOD) teńge esebimen jáne (EURUSD_TOD) AQSh dollary esebimen eýro boıynsha tańerteńgilik saýda sessııasy aıaqtaldy.
Atalǵan sanattar úshin búgingi sessııa negizgi boldy. Saýdaǵa qor bırjasynyń «valıýtalyq naryq múshesi» sanatyndaǵy 19 múshesi qatysty, dep habarlaıdy QazAqparat bırjaǵa silteme jasap.
AQSh dollarynyń búgingi ortasha baǵamy T+0 esebimen 146,73 teńgeni, saýda kólemi 86 450 myń dollardy qurady. Buǵan deıingi tańerteńgilik saýdanyń qorytyndysymen salystyrǵanda dollar baǵamy 0,10 teńgege arzandap, sessııa kólemi 28 250 myń dollarǵa kemidi.
T+0 AQSh dollary esebimen eýro boıynsha mámile jasalǵan joq. Sessııa jabylar kezde baǵa belgilenimi bolǵan joq.
Osy habarlamadaǵy barlyq trendter ótken tańerteńgi sessııaǵa qatysty kórsetilgen. Eger ótken tańerteńgi sessııada tıisti qural boıynsha mámile jasalmasa nemese saýda júrgizilmese, trend kórsetilmeıdi.
