KASE tańerteńgilik sessııasy: AQSh dollarynyń quny 274 teńgeni qurady
ASTANA. QazAqparat - Qazaqstan qor bırjasynda ortasha saralanǵan AQSh dollarynyń baǵamy bir dollarǵa 274,00 teńgeni qurady, dep habarlady kase.kz.
Naqtyraq aıtqanda, Qazaqstan qor bırjasynda (KASE) eseptesýi T+0 teńgemen (USDKZT_TOD) AQSh dollary boıynsha, eseptesýi T+0 teńgemen (EURKZT_TOD) eýro boıynsha jáne eseptesýi T+0 AQSh dollarymen (EURUSD_TOD) eýro boıynsha, eseptesýi T+0 teńgemen (CNYKZT_TOD) qytaı ıýani boıynsha tańǵy saýda-sattyq sessııasy aıaqtaldy.
Atalǵan qarjy quraldary úshin osy sessııa negizgi bolyp tabylady. Saýda-sattyqqa KASE valıýta naryǵynyń 21 múshesi qatysty. Eseptesýi T+0 teńgemen ortasha saralanǵan AQSh dollarynyń baǵamy bir dollarǵa 274, 00 teńgeni (+0,47 teńge), al saýda-sattyq kólemi - 131 000 (+53 100 myń USD) myń AQSh dollaryn qurady. Eseptesýi T+0 teńgemen eýro baǵamy bir eýroǵa shaqqanda 308,30 teńgeni qurady, saýda-sattyq kólemi 1 000 myń eýro. Eseptesýi T+0 teńgemen jáne AQSh dollarymen eýro boıynsha mámileler jasalǵan joq. Sessııa jabylý sátinde baǵa belgileýler bolǵan joq. Eseptesýi T+0 teńgemen ortasha saralanǵan baǵam boıynsha bir qytaı ıýani úshin 43,1500 teńgeni qurady, saýda-sattyq kólemi - 200 myń ıýan. Osy habarlamada atalǵan trendterdiń barlyǵy aldyńǵy tańerteńgilik sessııamen salystyrmaly túrde berilgen. Eger aldyńǵy tańerteńgilik sessııada tıisti qarjy quraly boıynsha mámileler jasalmasa nemese olardyń saýda-sattyǵy ótkizilmese, trend kórsetilmeıdi.
