KASE tańerteńgilik sessııasy: AQSh dollary 151,07 teńgege teń
ALMATY. 4 mamyr. QazAqparat - Qazaqstan qor bırjasynda (KASE) AQSh dollary boıynsha T+1 esebimen teńgemen (USDKZT_TOD), eýro boıynsha T+1 esebimen teńgemen (EURKZT_TOD) jáne eýro boıynsha T+1 esebimen AQSh dollarymen (EURUSD_TOD) tańerteńgilik saýda sessııasy ótti.
Búgin KASE-de AQSh dollary boıynsha T+0 esebimen teńgemen (USDKZT_TOD), eýro boıynsha T+0 esebimen teńgemen (EURKZT_TOD) jáne eýro boıynsha T+0 esebimen AQSh dollarymen saýdalar Qazaqstanda senbi, 4 mamyr kúngi demalystyń juma, 10 mamyrǵa aýystyrylýyna baılanysty ótkizilgen joq.
USDKZT_TOM, EURKZT_TOM jáne EURUSD_TOM úshin 2013 jyldyń 4 mamyryndaǵy atalmysh sessııa negizgi bolyp tabylady. Saýdaǵa KASE valıýta naryǵynyń 12 múshesi qatysty, dep habarlady bırjanyń baspasóz qyzmetinen.
AQSh dollarynyń ortasha baǵamy T+1 esebimen teńgemen 1 dollar úshin 151,07 teńgeni (-0,21 teńge) qurady. Saýda kólemi - 26 100 myń AQSh dollar.
Eýro boıynsha T+1 esebimen teńgemen mámileler jasalǵan joq, sessııanyń jabylý sátinde baǵa belgilenimi bolǵan joq. Osy habarlamadaǵy barlyq trendtter ótken tańerteńgilik sessııaǵa sáıkes kórsetilgen. Eger buǵan deıingi tańerteńgilik sessııada tıisti ınstrýmentter boıynsha mámileler jasalmaǵan bolsa nemese olar boıynsha saýdalar ótkizilmese, trend kórsetilmeıdi.
