KASE tabystyń 30%-yn dıvıdendterge baǵyttaıdy

ALMATY. KAZINFORM – Qazaqstan qor bırjasynyń (KASE) aktsıonerleri 2024 jyldyń qorytyndysy boıynsha dıvıdend tóleý týraly sheshim qabyldady. 

Bırjanyń resmı portalynda habarlanǵandaı, mundaı sheshim bırjanyń jyldyq jalpy jınalysynda maquldandy. Dıvıdend tóleýge 4,6 mlrd teńge baǵyttalady. Bul – KASE-niń ótken jylǵy taza paıdasynyń 30 paıyzy. Bir qarapaıym aktsııaǵa tólenetin dıvıdend mólsheri 4 310,67 teńge bolyp belgilendi.

Tólemder 2025 jyldyń 10-shy maýsymynan bastalady.

Aıta keteıik, 2023 jyldyń qorytyndysy boıynsha «Qazaqstan qor bırjasy» AQ taza paıdasynyń 50%-yn, ıaǵnı 9,2 mlrd teńgeni dıvıdendterge bólgen edi.

Eske salaıyq, buǵan deıin Ádil Muhamedjanov Qazaqstan qor bırjasynyń basshysy bolyp taǵaıyndalǵan bolatyn.

Keıin KASE basqarmasynyń quramy ózgerdi.