KASE saýdany tehnıkalyq jaǵdaıǵa baılanysty túski saǵat ekige aýystyrdy
ALMATY. QazAqparpt – Aqsha aıyrbastaý oryndarynda dollar 465 teńgeden satylyp jatyr. KASE saýdany taǵy keıinge qaldyrdy, dep habarlaıdy QazAqparat tilshisi.
«Qazaqstan qor bırjasy (KASE) tehnıkalyq sebepterge baılanysty KASE qor naryǵyndaǵy saýda-sattyq Nur-Sultan ýaqytymen 14.00-te ashylatynyn habarlaıdy. KASE qolaısyzdyqtar úshin keshirim suraıdy», - delingen qor bırjasynyń habarlamasynda.
Buǵan deıin Qazaqstan qor bırjasy saýdany saǵat 12-ge qaldyrǵany týraly jazǵan bolatynbyz.
Saýda-sattyq málimetine qaraǵanda, dollar baǵamy 23 aqpan keshimen salystyrǵanda 15,23 teńgege ósken.
AQSh dollarynyń ortasha baǵamy 452, 49 teńge boldy.
Ulttyq banktiń 24 aqpandaǵy resmı baǵamy -1 dollar úshin 437, 22 teńge.
Kurs.kz málimetinshe, búginde Almatydaǵy aqsha aıyrbastaý pýnkterinde dollar 460 teńgeden satylsa, satyp alý – 465 teńge.
Nur-Sultandaǵy aqsha aıyrbastaý pýnktilerinde dollar 460 teńgeden satylyp jatyr, satyp alý quny - 463, 05 teńge.
