KASE: Reseıge qarsy sanktsııalar teńgege áli yqpalyn tıgizýde
ALMATY. QazAqparat -Qazaqstan qor bırjasy teńge baǵamyna yqpal etip otyrǵan faktorlar týraly baıandady, dep habarlaıdy QazAqparat tilshisi.
Mamyr aıynda KASE sheteldik valıýtalar naryǵynda 31 qatysýshy bolǵan. Atalǵan naryqta saýda kólemi 1 040,1 mlrd teńgeni qurady. Bul ótken jyldyń sáıkes kezeńimen salystyrǵanda 28,1% tómen.
«Reseıge salynǵan sanktsııalardyń yqpaly teńge baǵamyna áli de áser etip otyr. Aıdyń sońynda teńge baǵamy qysqa merzimge jaqsardy. Oǵan salyqtyq naýqan áser etti. Eksporterler toqsan saıynǵy salyq tólemin júrgizgende teńge kúsheıdi. Sondaı-aq Brent markaly munaı quny barreline 75 AQSh dollaryna satyldy. Aıdyń sońynda 80 AQSh dollaryna jetti», - dedi KASE basqarma tóraǵasynyń orynbasary Andreı Tsalıýk Almatyda ótken brıfıngte.
Aıta ketý kerek, mamyr aııynda KASE naryǵynda teńge baǵamy 325,75 - 330,72 teńge shamasynda boldy. Bul aıda eýroǵa degen suranys artty. Eýro saýdasy 10,2 mln birlikke jetti. Bul ótken jyldyń osy kezeńimen salystyrǵanda 31,6% kóp. Buǵan jazǵy demalys naýqany yqpal etkeni anyq.
