KASE kúndizgi sessııasynyń qorytyndysy: AQSh dollary - 147,65/147,71, rýbl - 5,0230 teńgeni qurady
ALMATY. 6 sáýir. QazAqparat - Qazaqstan qor bırjasynda (KASE) AQSh dollary boıynsha T+0 esebimen teńgemen (USDKZT_TOD), eýro boıynsha T+0 esebimen teńgemen, (EURKZT_TOD),
eýro boıynsha T+0 esebimen AQSh dollarymen (EURUSD_TOD), Reseı rýbli boıynsha T+0 esebimen teńgemen (RUBKZT_TOD), valıýtalyq svop operatsııalarymen (USDKZT_0_001, USDKZT_0_002) kúndizgi saýda sessııasy ótti.
USDKZT_TOD, EURKZT_TOD ı EURUSD_TOD úshin bul sessııa qosymsha boldy. Germanııa men Ulybrıtanııada 6 jáne 9 sáýir demalys kúnderine baılanysty EURKZT_0_001 jáne EURKZT_0_002 boıynsha búgin KASE ótkizilmedi. Saýdaǵa spot-naryqta KASE-niń «Valıýtalyq naryq múshesi» sanatyndaǵy 24 múshesi, svop naryqta - 7 múshesi qatysty, dep habarlaıdy bırjanyń baspasóz qyzmeti.
AQSh dollarynyń spot-naryǵynda sońǵy mámile 1 dollar úshin 147,65 teńge, saýda kólemi 238 500 myń AQSh dollary boldy. Sessııanyń jabylýyndaǵy úzdik baǵa belgilenimi - 1 dollar úshin 147,65/147,71 teńgeni qurady.
- Reseı rýbliniń T+0 esepterimen teńgemen ortasha baǵa belgilenimi bir rýbl úshin 5,0230, saýda kólemi 5000 teńge Reseı rýbli boldy.
Valıýtalyq svop operatsııalary naryǵynda:
- USDKZT_0_001 boıynsha ortasha baǵamy 0,00 teńgeni, saýda kólemi 20 000 myń AQSh dollaryn qurady;
- USDKZT_0_002 boıynsha ortasha baǵamy +0,01 teńgeni, saýda kólemi 49 200 myń AQSh dollaryn qurady.
