KASE kúndizgi sessııasy: 1 dollar = 341,13 teńge

ASTANA. QazAqparat - Qazaqstan qor bırjasynda (KASE) shetel valıýtalarymen kúndizgi saýda-sattyq sessııasy aıaqtaldy. Búgin Qazaqstan qor bırjasynda 05 qyrkúıekte AQSh-ta mereke kúni (Eńbek kúni) bolǵandyqtan, saýda-sattyq júrgizilgen joq.

Spot-naryǵyndaǵy saýda-sattyqtyń qorytyndysy boıynsha:

- eseptesýi teńgemen T+0 (USDKZT_TOD) AQSh dollarynyń ortasha  saralanǵan baǵamy 341,13 teńgeni qurady, saýda-sattyq kólemi 59 800

myń AQSh dollaryn qurady;

- eseptesýi teńgemen T+1 jáne T+2 AQSh dollary boıynsha mámileler   jasalǵan joq, sessııa jabylar sátte KASE saýda-sattyq júıesinde baǵa belgileýler tirkelgen joq;

- eseptesýi T+0, T+1 jáne T+2 teńgemen eýro boıynsha mámileler jasalǵan joq, sessııa jabylar sátte KASE saýda-sattyq júıesinde baǵa belgileýler tirkelgen joq;

- eseptesýi T+0, T+1 jáne T+2 teńgemen AQSh dollary boıynsha mámileler jasalǵan joq, sessııa jabylar sátte KASE saýda-sattyq júıesinde baǵa belgileýler tirkelgen joq;

- eseptesýi T+0 teńgemen Reseı rýbliniń (RUBKZT_TOD) ortasha   saralanǵan baǵamy bir Reseı rýbline 5,2292 teńgeni qurady, saýda-sattyq kólemi 52 600 myń rýbl boldy.

Tańerteńgilik jáne kúndizgi sessııanyń qorytyndysy boıynsha AQSh dollarynyń ortasha saralanǵan baǵamy bir dollarǵa 341,06 teńgeni (+0,96 teńge) qurady, saýda-sattyqtyń jıyntyq kólemi - 127 800 myń (+14 700 myń).

Valıýtalyq svop operatsııalary naryǵynda:

- USDKZT_0_001 boıynsha ortasha saralanǵan kiristilik +12,0106 % qurady, saýda-sattyq kólemi - 147 300 myń AQSh dollaryn qurady;

- EURKZT_0_001 jáne EURKZT_0_002 boıynsha mámileler jasalǵan joq, sessııa jabylý sátinde KASE saýda-sattyq júıesinde baǵa belgileýler bolǵan joq.

Saýda-sattyqqa 26 bank qatysty.