KASE ındeksi turaqty, al Nasdaq quldyrady: naryq nege turaqsyz

ASTANA. KAZINFORM — Nasdaq pozıtsııalaryn joǵaltyp jatyr, al oǵan tehnologııalyq sektordaǵy paıda fıksatsııasy sebep boldy, dep jazdy Qazaqstan qarjygerler qaýymdastyǵy.

Joǵary mýltıplıkatorlar men sektordyń qyzyp ketýinen týyndaǵan alańdaýshylyq ınvestorlardy satýǵa ıtermeledi.

Valıýta naryǵy

Seısenbi kúngi bırja saýdasynyń qorytyndysy boıynsha USD/KZT jubynyń baǵamy 538,54 teńgege deıin tómendedi (–1,30 teńge). Saýda belsendiligi aıtarlyqtaı ósti: jalpy saýda kólemi 361,6 mln dollardy qurady (burynǵy sessııada 147,1 mln dollar bolǵan).

Syrtqy faktorlar beıtarap bolǵanymen (munaı baǵasynyń tómendeýi AQSh dollary ındeksiniń álsireýimen ótelgen), teńgeniń nyǵaıýy kóbine ishki sebeptermen baılanysty boldy. Atap aıtqanda:

• Іri eksporttaýshylardyń salyq kezeńine daıyndalýy;

• Ulttyq Banktiń valıýta satý operatsııalary;

• Teńgemen quraldarǵa joǵary mólsherlemeler jáne olardyń uzaq ýaqyt boıy saqtalýy;

• Kvazımemlekettik kompanııalardyń valıýta satýy.

Búgingi sessııada (10:29 Astana ýaqyty boıynsha) USD/KZT baǵamy – 539,0 teńge.

Aqsha naryǵy

Aqsha naryǵynyń ındıkatıvtik mólsherlemeleri ótimdilik profıtsıtiniń aıtarlyqtaı ósýi aıasynda aralas dınamıka kórsetýde.

• TONIA mólsherlemesi ózgerissiz qalyp, 15,50% deńgeıinde saqtaldy.

• SWAP-1D kiristiligi 10,97%-dan 11,06%-ǵa ósti.

• Jalpy saýda kólemi – 540,3 mlrd teńge (+3,3 mlrd).

• Ulttyq Banktiń depozıttik aýktsıonyna suranys 1,9 trln teńgege deıin tómendedi (+840 mlrd), jáne ol 16,5% jyldyq mólsherleme boıynsha 100% qanaǵattandyryldy.

• UB-nyń ashyq pozıtsııasy 8,1 trln teńgege jetti.

Qor naryǵy

Seısenbi kúngi saýda qorytyndysy boıynsha KASE ındeksi shamaly ósip, 0,04%-ǵa kóterilip, 6 836,5 pýnktke jetti.

Ósý kóshbasshysy – Halyq Banki: aktsııalary 3,0%-ǵa qymbattady. Buǵan 2024 jyldyń bólinbegen paıdasynan dıvıdend tóleý týraly jańalyqtar sebep boldy.

Bank 22 qyrkúıekte aktsıonerlerdiń kezekten tys jınalysyn (VOSA) ótkizedi. Onda tólem týraly jáne onyń mólsheri týraly sheshim qabyldanady.

Sonymen qatar, bank 2025 jyldyń alǵashqy jartyjyldyǵy boıynsha kúshti qarjylyq nátıjelerin jarııalady:

• Taza paıyzdyq tabys — 574,1 mlrd teńge (+32%);

• Taza paıda — 528,6 mlrd teńge (+39%).

Munaı

Munaı baǵasy 65,8 dollarǵa deıin tómendedi (–1,2%) — AQSh-tyń Ýkraına men Reseı arasyndaǵy kelissózderdi uıymdastyrý áreketteri aıasynda. Bul qysqa merzimde Reseıge qarsy sanktsııalardyń kúsheıý yqtımaldyǵyn azaıtady.

Analıtıkter bul jaǵdaı optımızm úshin belgili bir sebep beredi dep esepteıdi. Eger kelisimge kelý múmkin bolsa, bul jahandyq shıkizat saýdasyn arzandata alady. Bul óz kezeginde munaı usynysyn arttyryp, baǵalarǵa qysym kórsetýi múmkin.

Táýekeldi aktıvter

AQSh-tyń negizgi bırjalyq ındeksteri 0,6–1,5%-ǵa tómendedi. Tehnologııalyq sektorda paıda fıksatsııasy baıqaldy.

Eń kóp quldyraǵan kompanııalar:

• Palantir – AI negizindegi analıtıkalyq baǵdarlama óndirýshisi: aktsııalary – 9%-ǵa tómendedi;

• AMD jáne Super Micro Computer – árqaısysy 5%-dan astam joǵaltty;

• Nvidia – 3,5%-ǵa tómendedi.

Joǵary mýltıplıkatorlar jáne sektordyń shamadan tys qyzýy týraly qaýipter ınvestorlardy táýekelderdi qaıta baǵalaýǵa ıtermelegen.

Nasdaq — eń kóp joǵaltqan ındeks, bul tehnologııalyq sektordyń ınvestor kóńil-kúıiniń ózgerisine óte sezimtal ekenin kórsetedi.

Turǵyn úı naryǵy (AQSh)

Jańa derekter jyljymaıtyn múlik qurylysyndaǵy ósimdi kórsetti:

• Shilde aıynda jańa úılerdiń sany byltyrǵydan 12,9%-ǵa kóp,

  al sarapshylar bar bolǵany 2,8%-dyq ósim bolar dep kútken edi.

• Negizgi qozǵaýshy kúsh — jaldaýǵa arnalǵan turǵyn úıler:

  • 5 jáne odan da kóp páterli úıler – 27,4%-ǵa kóbeıdi;

  • Jeke úı qurylystary – 7,8%-ǵa ósti.

Bir bóligi ótken jylǵy qurylys úzilisinen keıingi qalypqa kelý protsesi retinde qarastyrylady, ol kezde qurylysshylar kúzde paıyzdyq mólsherlemelerdiń tómendeýin kútken edi.

Qorǵanys aktıvteri

Qaýipsiz quraldar aralas dınamıka kórsetti — bul AQSh Federaldyq rezerviniń (FRS) aqsha-nesıe saıasatyna qatysty belgisizdikpen baılanysty:

• Altyn baǵasy – 3 357 dollar/ýntsııa (–0,6%);

• AQSh-tyń 10 jyldyq oblıgatsııalarynyń kiristiligi – 4,34%-dan 4,30%-ǵa tómendedi;

• AQSh dollary ındeksi – 98,3 pýnktke deıin ósti (+0,1%).

Búgin Ulttyq bank 2025 jyldyń II toqsanynda bıznestiń nesıege degen jıyntyq suranysy aldyńǵy toqsandaǵy deńgeıde saqtaldy, alaıda, segmentter boıynsha dınamıka árqıly ekenin málim etken edi.