KASE Dúnıejúzilik bırjalar federatsııasynyń tolyqqandy múshesi boldy
ASTANA. 5 qarasha. QazAqparat - Qazaqstan qor bırjasy (KASE) Dúnıejúzilik bırjalar federatsııasynyń (World Federation of Exchanges, WFE) tolyq quqyly múshesi atandy. Bul týraly Halyqtyq IPO baǵdarlamasynyń resmı saıty habarlady.
KASE baspasóz qyzmetiniń málimetinshe, mundaı sheshim 29 qazanda Mehıkoda ótken WFE Bas assambleıasynyń 53-sessııasynda qabyldanǵan. KASE WFE quramyna alǵash ret korrespondet-múshesi retinde 1997 jyly qabyldandy. 2008 jyldyń maýsym aıynda atalmysh mártebe affılırlengen múshe deńgeıine deıin kóterilgen bolatyn.
«WFE-tiń tolyqqandy múshesi mártebesiniń berilýi KASE-tiń bırjalyq qyzmettiń halyqaralyq standarttaryna, kópshilik moıyndaǵan sapa krıterılerine tolyq sáıkes keletinin jáne halyqaralyq ınvestorlar úshin ulttyq qor naryǵynyń senimdi ekenin rastaıdy», - delingen bırja habarlamasynda.
WFE 1961 jyldan beri álemdik bırja ındýstrııasynyń jetekshi kásipqoı qaýymdastyǵy rólin atqarady ári qazirgi tańda álemdegi 100-den astam bırjany biriktiredi: 62 bırja tolyqqandy, 13-i affılırlengen, al 27-si korrespondent-múshe bolyp tabylady.
