KASE: Dollar tórtinshi kún qatarynan arzandap keledi

NUR-SULTAN. QazAqparat - Qazaqstan qor bırjasynda (KASE) beısenbi kúngi saýda-sattyqtyń tańerteńgilik sessııasynda teńgeniń AQSh dollaryna shaqqandaǵy ortasha baǵamy 1 dollarǵa 378,47 teńgeni qurady, dep habarlaıdy QazAqparat KASE-ge silteme jasap.

Sársenbi kúngi saýda-sattyqpen salystyrǵanda, shetel valıýtasynyń baǵamy 0,65 teńgege tómendegen. Sessııa barysynda eń tómengi kýrs 1 dollarǵa - 378,28 teńge, al eń joǵarǵysy 378,8 teńge bolǵan. Saýda kólemi 41,59 mln dollarǵa jetti.

Sársenbi kúni dollardyń T+1 esebimen ortasha baǵamy tańǵy sessııa qorytyndysy boıynsha, 1 dollarǵa - 379,12 teńgeni, kúndizgi sessııada - 379,18 teńgeni, eki sessııanyń qorytyndysy boıynsha 379,16 teńgeni quraǵan bolatyn. Saýdanyń jalpy kólemi - 88,739 mln dollar.

Eske salaıyq, dollar baǵamy dúısenbi kúni 0,4 teńgege (380,36 teńgeden 379,96-ǵa), seısenbi kúni 0,48 teńgege (379,48 teńgege), sársenbi 0,36 teńgege (379,12 teńgege deıin) tómendegen edi.

Ashat Ahmetbekov