KASE: Dollar baǵasy tómendedi
NUR-SULTAN. QazAqparat - Qazaqstan qor bırjasynda (KASE) beısenbi kúngi saýda-sattyqtyń tańerteńgilik sessııasynda teńgeniń AQSh dollaryna shaqqandaǵy ortasha baǵamy 1 dollarǵa - 379,08 teńge boldy, dep habarlaıdy QazAqparat tilshisi KASE-ge silteme jasap.
Sársenbi kúngi saýda-sattyqpen salystyrǵanda, shetel valıýtasynyń baǵamy 0,33 teńgege arzandaǵan. Sessııa barysynda eń tómengi baǵam 1 dollarǵa - 378,8 teńge, al eń joǵarysy - 379,3 teńge bolǵan. Saýda kólemi 26,31 mln dollarǵa jetti.
Sársenbi kúni dollardyń T+1 esebimen ortasha baǵamy tańǵy sessııa qorytyndysy boıynsha, 1 dollarǵa 379,41 teńgeni, kúndizgi sessııada 379,32 teńgeni, eki sessııanyń qorytyndysy boıynsha 379,36 teńgeni quraǵan bolatyn. Saýdanyń jalpy kólemi 97,85 mln dollar.
