KASE: Dollar baǵamy úshinshi kún qatarynan tómendep keledi
ASTANA. QazAqparat - Qazaqstan qor bırjasynda (KASE) sársenbi kúngi saýda-sattyqtyń tańerteńgilik sessııasynda teńgeniń AQSh dollaryna shaqqandaǵy ortasha baǵamy 348,14 teńgeni qurady, dep habarlaıdy QazAqparat KASE-ge silteme jasap.
Seısenbi kúngi saýda-sattyqpen salystyrǵanda, sheteldik valıýta baǵamy 0,34 teńgege tómendegen. Sessııa barysynda eń tómengi kýrs 1 dollarǵa - 347,95 teńge, al eń joǵarysy - 348,45 teńge deńgeıinde bolǵan. Saýda kólemi 39,45 mln dollarǵa jetti.
Seısenbi kúni dollardyń ortasha baǵamy tańǵy sessııa qorytyndysy boıynsha 1 dollarǵa 348,48 teńge, kúndizgi sessııada 348,93 teńge, eki sessııanyń qorytyndylary boıynsha 348,82 teńge bolyp, saýdanyń jalpy kólemi 129,55 mln dollardy quraǵan.
Eske sala keteıik, dúısenbi kúni Qazaqstan qor bırjasynda (KASE) AQSh dollarynyń ortasha baǵamy 349,81 teńgeden 348,89 teńgege deıin - 0,92 teńgege tómendegen bolatyn. Al seısenbi kúni taǵy da 0,41 teńgege túsip, 348,48 teńgeni qurady.
