KASE: Dollar baǵamy úsh kúnnen beri tómendeýde
ASTANA. QazAqparat - Qazaqstan qor bırjasynda (KASE) juma kúngi saýda-sattyqtyń tańerteńgilik sessııasynda teńgeniń AQSh dollaryna shaqqandaǵy ortasha baǵamy 1 dollarǵa 374,77 teńge boldy, dep habarlaıdy QazAqparat KASE-ge silteme jasap.
Beısenbi kúngi saýda-sattyqpen salystyrǵanda, shetel valıýtasynyń baǵamy 0,79 teńgege tómendegen. Sessııa barysynda eń tómengi kýrs 1 dollarǵa - 374,15 teńge, al eń joǵarysy - 375 teńge bolǵan. Saýda kólemi 67,05 mln dollarǵa jetti.
Beısenbi kúni dollardyń T+1 esebimen ortasha baǵamy tańǵy sessııa qorytyndysy boıynsha, 1 dollarǵa 375,56 teńgeni, kúndizgi sessııada 374,7 teńgeni, eki sessııanyń qorytyndysy boıynsha 374,96 teńgeni quraǵan bolatyn. Saýdanyń jalpy kólemi - 125,8 mln dollar.
Eske sala keteıik, sársenbi kúni KASE-de AQSh dollarynyń ortasha baǵamy 038 teńgege - 378,28 teńgeden 377,9 teńgege deıin, beısenbide taǵy 2,34 teńge - 375,56 teńgege deıin tómendegen bolatyn.
