KASE: Dollar baǵamy taǵy 4,6 teńgege qulady
ASTANA. QazAqparat - Qazaqstan qor bırjasynda (KASE) juma kúngi saýda-sattyqtyń tańerteńgilik sessııasynda teńgeniń AQSh dollaryna shaqqandaǵy ortasha baǵamy T+1 (USDKZT_TOM, kelisim aıaqtalǵannan keıin kelesi kúngi esebimen) 365,48 teńgeni qurady, dep habarlaıdy QazAqparat KASE-ge silteme jasap.
Beısenbi kúngi saýda-sattyqpen salystyrǵanda, shetel valıýtasynyń baǵamy 4,57 teńgege tómendegen. Sessııa barysynda eń tómengi kýrs 1 dollarǵa - 364,9 teńge, al eń joǵarysy 366 teńge bolǵan. Saýda kólemi 40,8 mln dollardy qurady.
Sársenbi kúni dollardyń T+1 esebimen ortasha baǵamy tańǵy sessııa qorytyndysy boıynsha, 1 dollarǵa 370,05 teńgeni, kúndizgi sessııada 368,59 teńgeni, eki sessııanyń qorytyndysy boıynsha 369,01 teńgeni quraǵan bolatyn. Saýdanyń jalpy kólemi 253,75 mln dollar boldy.
Eske sala keteıik, beısenbi kúngi saýda-sattyqtyń tańerteńgilik sessııasynda AQSh dollarynyń ortasha baǵamy 5,78 teńgege qulap, 370,05 teńgeni qurady.
