KASE: Dollar baǵamy arzandady
NUR-SULTAN. QazAqparat - Qazaqstan qor bırjasynda (KASE) juma kúni ótken saýda-sattyq qorytyndysy boıynsha teńgeniń AQSh dollaryna shaqqandaǵy ortasha baǵamy T+1 esebimen (USDKZT_TOM, kelisim aıaqtalǵannan keıin kelesi kúngi esebimen) 1 dollarǵa 386,82 teńgeni qurady, dep habarlaıdy «QazAqparat» HAA tilshisi KASE-ge silteme jasap.
Beısenbi kúngi saýda-sattyqpen salystyrǵanda, shetel valıýtasynyń baǵamy 0,29 teńgege tómendegen. Sessııa barysynda eń tómengi kýrs 1 dollarǵa – 386,7 teńge, al eń joǵarysy – 387 teńge boldy. Saýda kólemi 95,894 mln dollardy qurady.
Beısenbi kúni dollardyń T+1 esebimen ortasha baǵamy tańǵy sessııa qorytyndysy boıynsha, 1 dollarǵa 387,11 teńgeni qurady. Saýdanyń jalpy kólemi 105,187 mln dollar boldy.
Ashat Ahmetbekov
