KASE: Dollar baǵamy 5 kún qatarynan tómendep keledi
ASTANA. QazAqparat - Qazaqstan qor bırjasynda (KASE) seısenbi kúngi saýda-sattyqtyń tańerteńgilik sessııasynyń qorytyndysy boıynsha teńgeniń T+1 esebimen AQSh dollaryna shaqqandaǵy ortasha baǵamy 370,48 teńgeni qurady, dep habarlaıdy QazAqparat KASE-ge silteme jasap.
Dúısenbi kúngi saýda-sattyqpen salystyrǵanda, sheteldik valıýta baǵamy 1,42 teńgege tómendegen. Sessııa barysynda eń tómengi kýrs 1 dollarǵa - 370,15, al eń joǵarysy - 371,3 teńge deńgeıinde bolǵan. Saýda kólemi 28,2 mln dollarǵa jetti.
T+1 esebimen dúısenbi kúni dollardyń ortasha baǵamy tańǵy sessııa qorytyndysy boıynsha 1 dollarǵa 371,9 teńge, kúndizgi sessııada 371,78 teńge, eki sessııanyń qorytyndylary boıynsha 371,86 teńge bolyp, saýdanyń jalpy kólemi 68,8 mln dollardy quraǵan.
Eske sala keteıik, sársenbi kúni Qazaqstan qor bırjasynda (KASE) AQSh dollarynyń ortasha baǵamy 380,97 teńgeden 377,72 teńgege deıin - 3,25 teńgege, beısenbi kúni taǵy da 2,28 teńgege túsip, 375,44 teńgeni quraǵan edi. Al juma kúni 1,98 teńgege túsip, 373,46 teńge bolsa, dúısenbi kúni taǵy da 1,56 teńgege tómendep, 371,9 teńgeni qurady.
