KASE: Dollar baǵamy 2,35 teńgege quldyrady
ASTANA. QazAqparat - Juma kúngi tańerteńgilik sessııa boıynsha AQSh dollaryna shaqqandaǵy teńgeniń ortasha baǵamy Qazaqstan qor bırjasynda (KASE) 1 dollarǵa 330,38 teńgeni qurady, dep habarlaıdy «QazAqparat» HAA KASE-ge silteme jasap.
Beısenbi kúngi saýdamen salystyrǵanda dollar baǵamy 2,35 teńgege tómendegen. Sessııa barysynda eń tómengi kýrs 1 dollarǵa 329,82 teńge, al eń joǵarysy 331,3 teńge deńgeıinde bolǵan. Saýda kólemi 139,15 mln dollarǵa jetti.
Aıta keteıik, bir kún buryn dollardyń ortasha baǵamy tańǵy sessııa qorytyndylary boıynsha 1 dollarǵa 332,73 teńge, kúndizgi sessııada - 332,26 teńge, eki sessııanyń qorytyndylary boıynsha 332,42 teńge bolǵan. Saýdanyń jalpy kólemi 165,6 mln dollardy quraǵan.
