KASE: Dollar baǵamy 1,8 teńgege arzandady

NUR-SULTAN. QazAqparat - Qazaqstan qor bırjasynda (KASE) beısenbi kúngi saýda-sattyqtyń tańerteńgilik sessııasynda teńgeniń AQSh dollaryna shaqqandaǵy ortasha baǵamy 1 dollar úshin 380,97 teńgeni qurady, dep habarlaıdy QazAqparat tilshisi KASE-ge silteme jasap.

Sársenbi kúngi saýda-sattyqpen salystyrǵanda, shetel valıýtasynyń baǵamy 7,78 teńgege arzandady. Sessııa barysynda eń tómengi baǵam 1 dollarǵa - 380,5 teńge, al eń joǵarysy 381,07 teńge boldy. Saýda kólemi 42,374 mln dollarǵa jetti.

Sársenbi kúni dollardyń T+1 esebimen ortasha baǵamy tańǵy sessııa qorytyndysy boıynsha, 1 dollarǵa 382,75 teńgeni, kúndizgi sessııada 382,02 teńgeni, eki sessııanyń qorytyndysy boıynsha 382,38 teńgeni quraǵan bolatyn. Saýdanyń jalpy kólemi - 121,911 mln dollar.

Eske sala keteıik, Qazaqstan qor bırjasynda sársenbi kúngi saýda-sattyqtyń tańerteńgilik sessııasynda teńgeniń AQSh dollaryna shaqqandaǵy ortasha baǵamy 0,87 teńgege arzandap, 1 dollar úshin 382,75 teńgeni quraǵan edi.