KASE: Dollar baǵamy 1,6 teńgege tómendedi
ASTANA. QazAqparat - Qazaqstan qor bırjasynda (KASE) seısenbi kúngi saýda-sattyqtyń tańerteńgilik sessııasynda teńgeniń AQSh dollaryna shaqqandaǵy ortasha baǵamy 380,89 teńgeni qurady, dep habarlaıdy QazAqparat KASE-ge silteme jasap.
Dúısenbi kúngi saýda-sattyqpen salystyrǵanda, shetel valıýtasynyń baǵamy 1,59 teńgege tómendegen. Sessııa barysynda eń tómengi kýrs 1 dollarǵa - 380,35 teńge, al eń joǵarysy - 381,7 teńge bolǵan. Saýda kólemi 28,65 mln dollardy qurady.
Dúısenbi kúni dollardyń T+1 esebimen ortasha baǵamy tańǵy sessııa qorytyndysy boıynsha, 1 dollarǵa 382,48 teńgeni, kúndizgi sessııada 382 teńgeni, eki sessııanyń qorytyndysy boıynsha 382,23 teńgeni quraǵan bolatyn. Saýdanyń jalpy kólemi 68 mln dollar boldy.
