KASE: Dollar baǵamy 1,3 teńgege arzandady
NUR-SULTAN. QazAqparat - Qazaqstan qor bırjasynda (KASE) sársenbi kúni ótken saýda-sattyq qorytyndysy boıynsha teńgeniń AQSh dollaryna shaqqandaǵy ortasha baǵamy T+1 esebimen (USDKZT_TOM, kelisim aıaqtalǵannan keıin kelesi kúngi esebimen) 1 dollarǵa 386,16 teńgeni qurady, dep habarlaıdy «QazAqparat» HAA tilshisi KASE-ge silteme jasap.
Seısenbi kúngi saýda-sattyqpen salystyrǵanda, shetel valıýtasynyń baǵamy 1,33 teńgege tómendegen.
Sessııa barysynda eń tómengi kýrs 1 dollarǵa – 385,7 teńge, al eń joǵarysy – 386,45 teńge boldy. Saýda kólemi 67,825 mln dollardy qurady.
Seısenbi kúni dollardyń T+1 esebimen ortasha baǵamy tańǵy sessııa qorytyndysy boıynsha, 1 dollarǵa 387,49 teńgeni qurady. Saýdanyń jalpy kólemi 113,55 mln dollar boldy.
Ashat Ahmetbekov
